再傳新收台時間?!員工爆係今晚六點

20160304
東網電視
更多新聞短片
呢位員工,講嘢都好有道理。

亞視四台製作部員工吳先生下午向傳媒展示解僱信,佢表示今朝收到臨時清盤人嘅通知,叫佢返公司收信,問到收信嘅過程,佢透露只係MARK個名就可以拎信走人:「拎完會去勞工處,有十幾個同事今日都會去勞工處。」

問到知唔知亞視幾時會收台,佢表示:「應該傾好就收,聽同事話,唔知真定假嘅,話夜晚六點幾收台,話清盤人同工程部傾咗。我個部門冇晒人㗎喇。」

爆公司強調有一千萬資金

吳生仲透露雖然臨時清盤人遣散所有員工,但係公司就叫佢留低,更承諾會出三月嘅糧,佢話:「公司話會有一千萬嘅資金,叫部門主管穩定軍心,靜候消息。」但係吳生就指自己唔會考慮,問到點解唔留低,佢就話:「我覺得如果你有錢,點解唔出糧畀我哋呢?咁對欠一、二月薪嘅同事唔公平。」