郭田葰未Ready好結婚生B

藝人郭田葰早前到加拿大某賭場擔任司儀及表演嘉賓，有在台上獻唱的他指自己在澳洲居住時，其實有參加過新秀唱歌比賽：「我覺得自己仲有進步空間嘅，唱半個鐘至一個鐘都冇問題。」他亦透露楊思琦同樣有份一齊出騷，更帶囡囡齊到加國，問他見如此場面，有冇生B衝動，他就直言驚驚：「我呢個年紀好多朋友都已經有小朋友，不過我覺得負擔好重，無論係經濟上定心靈上，所以我係未Ready好。」並謂與圈外女友不會太快結婚。

問他有否帶女友齊齊出埠，他就指工作為重所以未有讓她隨行：「其實想帶佢返印尼，我喺印尼長大嘅，所以都想帶佢去我長大嘅地方，但係我都有成廿幾年冇返去，我諗我返到去都會大開眼界。」