黎美言挑釁？劉燕妮爆喊斥被打到飛蚊症
20160306
東網電視
更多新聞短片
黎美言（左下圖）及劉燕妮出席ViuTV開台記者會。
藝人黎美言（Winkie）及劉燕妮（Rika）今日在尖沙咀出席ViuTV開台記者會，並以真人騷節目《G-1格鬥會》參賽者身份，身穿運動裝示人。節目《格》自開拍以來已不斷傳出各女選手受傷的消息，其中Rika更在席間表示曾被打面險毀容、斷手等，直至現時亦有飛蚊症現象，而Winkie亦表示其腳趾公扭傷：「係唔怕死先參加。」
患上胸膜炎
Winkie受訪表示自己在操練時已患上胸膜炎影響呼吸：「你見我拍自己個心口唔係因為我扮大猩猩，係因為我要隱瞞對手唔好畀人打我心口，而腳趾公就係比賽中段畀人整傷嘅。」
對傳不和感反感
其實除了不斷受傷的新聞之外，《格》騷亦不斷傳出眾女不和的新聞，當中過節最深的可謂Winkie和Rika，惟Winkie對事非表示反感：「我要應付比賽已經好大壓力，已經好辛苦，對我個EQ要提高，但比賽之餘仲要面對是非，有嘢發生就所有人都嚟問我關唔關我事，有啲都真係關心我。（係你打到Rika咁傷？）其實同邊個打同埋賽果真係唔講得，希望個節目出街大家都自己睇。但係我腳趾公嘅傷我就冇喺啲平台講過，因為我想專心，因為我預咗，冇將件事放大，同埋我哋大家都簽咗生死狀。（影射其他人放上平台講？）絕對冇，我係講我自己，自己唔會放。」
斥有人缺體育精神
而Rika亦有回應不和事件：「大家冇話不唔不和，中間係有唔愉快、唔開心、憤怒同埋不受尊重嘅事發生咗。（你不受尊重？）比賽係講體育精神，最唔開心係畀人挑釁。（邊句令你最唔開心？）有人同我講『其實我唔想打你』，因為我嚟比賽，受傷我可以接受，但聽呢啲說話我唔開心。（覺得畀人睇少？）我唔弱㗎。」
曾向師傅及家人道歉
問Winkie有關Rika所言是否指向她？她希望觀眾睇節目知答案，否認不和：「我係好專注自己。（太專注變自我？）我對得住自己嘅良心，我控制唔到其他人嘅諗法，一句說話唔同人GET到唔同嘅嘢。（打傷人唔使道歉？）我個人好心軟，如果我令到人哋唔好，我會道歉。」亦表示曾向師傅及家人道歉。
被打留陰影
問到Rika對Winkie為對手的感覺時，她表示不懂去評價別人，更開始支吾以對、有口難言，大呻若被對手專注打鼻及眼令自己有陰影，說到自己的飛蚊症被醫生診斷可能是永久性時，更當場灑淚：「亦都係因為受傷我有兩部電影拍唔到，對新人嚟講個影響好大。」Rika更表示希望可以增20磅rematch。
最欣賞Rika
而在旁的Winkie即謂Rika是自己最欣賞的運動員：「佢（Rika）都知，因為佢比我更輕更細粒。（有傳你係犯眾憎？）有聽過對我不利嘅消息同威嚇，真人騷好大壓力，清者自清，我係認真參加比賽，自問冇乜做唔好嘅事。」Rika亦回贈一句：「觀眾嘅眼睛係雪亮嘅。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：