盤點嫁入豪門港姐！

前港姐吳婉芳息影多年，近日一出席公開活動，即成為焦點，皆因48歲嘅佢，同18歲參選港姐時嘅佢，係一模一樣樣架！！！！！！！！靚係到完全違反生物學嘅定律！

點解佢可以咁靚？好多網民都覺得係除咗因為佢天生麗資，嫁得好，唔使做，有錢有時間Keep都係一個好大嘅因素。其實歷屆好多港姐都嫁入豪門，等我哋一齊睇吓，佢哋係咪要一樣唔識老喇！

李嘉欣

1988年香港小姐冠軍，現年45歲嘅嘉欣，一向被稱為「大美人李嘉欣」，仲因為佢而令港人有個錯覺，叫嘉欣嘅都係靚女，佢喺2008年下嫁許晉亨，許晉亨係中建企業主席許世勳嘅仔仔、已故船王許愛周嘅孫，身家數百億，而嘉欣亦係2011年誕下囝囝Jayden。

李美鳳

1987年香港小姐亞軍，現年52歲嘅李美鳳，1996年下嫁台灣國産實業集團太子爺鄭翔中，當時仲舉行咗轟動一時嘅空中婚禮，1998年為老公李美鳳誕下龍鳳胎。依家鄭翔中已經係集團嘅董事長，身家近百億。

翁嘉穗

1997年度香港小姐四料冠軍，現年42歲嘅翁嘉穗，1999年喺美國拉斯維加斯下嫁畀佢年長20年嘅七海化工集團主席鄔友正，據指佢訂婚時嘅鑽戒就價值逾百萬，鄔友正送佢價值2000多萬嘅樂景園豪宅。婚後火速誕下大仔，相距15年，上年再誕下細仔。