中泰混血安俊豪最愛去泰國搵食

歌手安俊豪（Simon）外表高大帶點韓風，想不到原來他乃是中泰混血兒一名，更精通不少泰文，但只達到「識講唔識寫」的地步：「我媽媽係泰國人，每年我哋都會返去泰國一次，本身我都好鍾意陽光與海灘，我覺得泰國係一個好舒服嘅地方。」

自言泰文屬「有限公司」的Simon，愛在當地發掘美食：「我識講嘅泰文，全部都係有關食物嘅泰文，因為要搵好嘢食多數唔近郊遊區，一離開咗郊遊區，佢哋就唔識英文，所以識泰文會着數啲。（咁識唔識寫？）我寫嗰方面就唔識，我連睇都唔識。」

而在媽媽耳濡目染之下，Simon亦煮得一手泰國菜：「細個有跟媽咪入廚，而媽咪之前開餐館，所以都識煮吓金邊粉！」而他又透露曾考慮過在網上平台教人泰文及泰國菜，希望可以再增加知名度。

場地：PT Pro