杜惠東腎衰竭離世　杜如風：喊到淚乾

資深傳媒人、節目主持杜如風父親杜惠東今早因腎衰竭逝世，享年75歲。杜如風接受《東網》電話訪問時表示：「爸爸今朝十一點半因為腎衰竭離世，離開時好安詳。爸爸上星期因為身體唔舒服入咗醫院，本身自己喺日本拍緊無綫嘅旅遊節目，突然收到媽咪通知，即刻決定趕返香港陪爸爸。（杜惠東近年經常出入醫院？）佢老人家呢三、四年都要洗腎，呢排身體情況轉差，都已經75歲，爸爸講過對佢最大嘅回報，係睇到個女努力工作，所以我稍後都會去日本繼續拍攝。（搞好後事先？）件事今朝先發生，未咁快決定到，後事會有我、媽咪同屋企人負責」另杜如風透過語音訊息回應無綫娛樂新聞台時，則指難以用文字形容心情：「你問我心情都唔知點答，已經喊到淚都乾埋。」

資深傳媒人、人稱杜SIR或阿杜的杜惠東，與愛女杜如風一樣多才多藝，除了為嘉禾電影擔任多年宣傳及廣告部主管，2010年更曾推出《繁星閃閃》，大爆影星秘聞，計有成龍、梅艷芳、鄧麗君、狄娜及王祖賢等。

另外，杜SIR還推出過《城市浪人》、《東言西語》及《巨星食譜》等著作。在娛樂圈打滾當年的他，圈中人緣甚廣，而他加入嘉禾電影之前，畢業於廣東師大學中國文學系的他，曾任港聞記者、娛樂記者及編輯等職位，期間亦曾擔任電台主持，職業生涯可謂多姿多采。