鄭中基牛一　余思敏炮製emoji蛋糕

生日時候食蛋糕可以話好正常，不過一般都係出去買嘅啫，其實大家又有冇諗過親手整蛋糕畀你最愛嘅人呢？

尋日就係鄭中基44歲牛一，佢太太余思敏當然識做，親手炮製一個好鬼死靚嘅「錫錫」emoji造型蛋糕畀老公，真係羨慕死啊！最尾兩公婆仲要孖囡囡嚟個溫馨合照，咁嘅生日已經夠晒啦！

鄭太仲喺FB晒出自己整蛋糕嘅過程，手勢拍得住酒店大師傅！咁抵錫唔知老公識唔識做呢？