【閃到眼盲】何潤東老婆晒巨型鑽戒

20160310
東網電視
更多新聞短片
Peggy冧爆晒巨鑽呀!

現年40歲嘅台灣藝人何潤東今日宣布同拍拖8年多嘅女友Peggy登記結婚,多才多藝嘅Peggy創立自己嘅首飾品牌,今次仲親自為自己同何潤東設計結婚手環。

Peggy亦有喺其品牌Facebook專頁上晒出巨型結婚鑽戒,大放閃光彈,雖然冇講到隻鑽戒幾多卡,不過有網民就睇得出好有份量,留言話:「有誠意的一顆!」而Peggy又留言感謝各界嘅祝福:「8年7個月,我們結。婚。了,謝謝自己一路走來,始終充滿信心,謝謝老闆雖然常不在身邊,但心一直在我身上,謝謝珠珠姐,一天到晚要我改脾氣,謝謝公婆
給我最大的自由與關心,謝謝我的家人,朋友們給我的祝福。」佢又祝大家好似佢一樣
快樂幸福,仲話:「20160310。What a beautiful day!!!!!!!」睇嚟Peggy真係勁開心!

郭品超做伴郎

何潤東人緣勁好,唔少藝人亦都有留言表上祝福,郭品超就暗示自己會擔任何潤東嘅伴郎:「太恩愛了啦!和Peter認識這麼多年,對他的瞭解,他就是一個對感情、家人、朋友、工作、兄弟,甚至對粉絲!都盡心盡力,只有付出,不求回報,真誠對待的完美男人!知道你要結婚的消息,我真的太開心了啦!你們一定要永遠幸福,不管颳風下雪都要牽手一輩子喔!PS:我可是完美伴郎!」而張鈞甯就話:「恭喜恭喜恭喜!祝福我最有義氣的兄弟享受幸福,平安、快樂到永遠!」