何潤東恨生B 太太舉V自拍難掩新婚喜悅
20160311
東網電視
更多新聞短片
何潤東昨日宣布封盤，與拍拖八年的圈外女友Peggy在台北領證結婚。
台灣男神何潤東昨日宣布封盤，與拍拖八年的圈外女友Peggy在台北領證結婚，擁有個人首飾品牌嘅Peggy更為二人親手設計結婚手環，勁有心思，何潤東昨日就透露新婚之日好忙，仲同咗外父外母去食飯，而Peggy今日凌晨亦喺Facebook上載素顏照，留言表示為咗忙結婚搞到好攰，仲話自己下巴瘋狂生痘痘，佢留言：「呼～終於回到家了!!!!!!!可以卸妝，穿睡衣大翹腳，舒服的癱在沙發上跟oreo玩，感謝每ㄧ位朋友的祝福，無法一一回覆真的很抱歉，因為我真的好忙好累，為了今天登記結婚，好幾個晚上睡不著（着）覺，下巴瘋狂長痘痘，真的是要讓我抓狂啊（呀）！！！好險有美顏相機，晚安啦，再次謝謝每位留言，祝福我們的朋友，你們的祝福我們收到了，（抓～放心上）」
瞓醒之後，Peggy又喺Facebook上載舉V照，難掩新婚喜悅，有網民似乎對佢設計嘅結婚手環有興趣，不過Peggy就留言表示結婚對環係唔會公開發售，咁有紀念價值嘅嘢緊係要返畀自己同老公獨享啦！
而何潤東亦好有心咁回覆圈中好友送上嘅祝福，佢仲回覆鄧超話：「希望能夠快點生個小美人魚。」睇嚟何潤東婚後會開行Turbo造人啦！
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：