A-Lin超Deep V跳熱舞辣㷫全場
20160314
東網電視
更多新聞短片
A-Lin今次大騷FIT爆身材，觀眾有福啦！
台灣歌手黃麗玲（A-Lin）於紅館舉行一連兩場演唱會的尾場，繼續獻唱出多首情歌。唱開慢歌的A-Lin在演唱會上，換上超Deep V連身褲上陣跳舞，將其fit爆身材表露無遺，期間更與一班女Dancers勁歌熱舞，扭腰、趷籮樣樣齊，令全場歌迷歡呼尖叫！而昨晚A-Lin就叫咗兩位歌迷點歌，仲用廣東話唱咗一段楊千嬅嘅《小城大事》。
與戴愛玲對唱
之後A-Lin就換上性感紅色開胸高衩晚裝，大騷長腿。她亦知道好姊妹戴愛玲有到場，所以就特別叫對方同自己台上台下對唱《我不離開》及《空港》的副歌。接住就有弦樂隊上台伴奏，唱出多首情歌，又叫全場歌迷一齊開手機閃光燈。演唱會尾段，A-Lin都有邀請着原住民服裝的家人，包括爸爸、媽媽、哥哥同家姐上台合唱。
Encore唱廣東歌
最後，A-Lin就唱出《給我一個理由忘記》，唱完之後並叫了一眾Dancers及和音手拖手鞠躬。到Encore部分，A-Lin就唱出《女人花》，並用廣東話唱出《夕陽之歌》。唱完之後就笑言唔夠喉，在唱了《難得》及《最懂你的人》給歌迷，為兩場演唱會畫上完美句號。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：