認善變！何傲兒聞影背部全裸：暫時唔得

藝人何傲兒出席「莎莎38周年園林麗影真愛盛宴」，身穿高衩喱士晚裝現身的她，透露近來飲食較健康而瘦了：「所以先夠膽着性感少少。（會唔會出寫真？）我唔介意係必要時留倩影，不過都係留番畀後生女影好啲，就算係影都唔會太性感，我有底線。（底線係咩？）我唔大膽，健康性感OK。（背部全裸？）去到腰以下唔得，暫時答案係咁，但聽日又可能會變，因為女人係善變架嘛。」又謂如將來有小朋友，亦希望可像其他懷孕藝人般，保持手腳纖幼來留倩影，這樣意義來得更大：「嗰樣就可以性感啲，若隱若現幾好。」

對感情有希望

問到如此喜歡小朋友，會否於感情上加快腳步？她說：「冇得快，睇緣份，我依家對感情有希望，但做好事業先，唔心急，我啱啱作咗首歌，感情諗唔到咁多。（想做歌手？）想做實事畀大家睇，唔想聽到我個名淨係諗起我啲緋聞，想做啲成績，希望觀眾感受到。」