被讚風趣　胡楓玩食字搞爛Gag

藝人胡楓（修哥）及羅蘭出席長者活動，受訪時修哥表示出到街很多人都對他很友善：「呢個係做娛樂圈咁耐最大嘅得着，大家都會同我友善打招呼、友善叫我或幫我，所以我好開心。」羅蘭亦謂：「係呀，有啲仲誇張到話見到我真係好，話好幸運，我話唔好咁講，我都只係普通人，只係職業令大家見到我，不過都好開心。」修哥即搞gag：「你梗係唔係普通人，如果係點解你唔講普通話？」

記者即讚修哥風趣，他又再搞gag：「我唔係好脆，我唔係18歲卜卜脆，但我係風（楓）。」羅蘭姐即讚他好「趣」：「我哋拍《一屋老友記》，一入廠都好難合埋口，因為佢同Bobby（歐陽震華）好多笑話，好開心。」修哥亦謂工作最緊要開心。