Tasha爆大鑊　詳述與盛品儒一年情慾關係

在討論區公開和人夫盛品儒關係的Tasha，接受《東網》訪問詳細道出和盛品儒（James）歷時一年的親蜜交往。

多次去酒店meet up

Tasha表示James不會承認兩人的關係，她說：「我只係抒發心情，唔係惡意中傷，依家見佢咁樣我真係死心！要怪就只可以怪自己識咗呢個男人，我冇怨任何人，都係怨自己！」Tasha表示和James是在去年一月緣於Facebook：「我哋舊年一、二月喺Facebook認識，當時我都唔知佢係邊個，見佢張相幾靚仔，當時佢仲話自己冇老婆。之後大家有約出嚟見面。咁耐以嚟大家有去大家屋企，我連佢住邊度幾樓幾室都知，亦都去過兩、三次酒店，之後佢知我唔鍾意去酒店先冇去。（去酒店做過啲乜？係咪發生性關係？）呢啲唔講啦！問得咁仔細，大家明啦，meet up囉！」

其後知道James跟蔡一鳳已註冊結婚，Tasha說：「我之後係知佢有老婆，我都有提出過大家唔好見。」Tasha說去年四月曾經接蔡一鳳電話：「當時佢打嚟鬧我，我有喊有講對唔住。但第二日朝早，James就打畀我話：『BB你唔好嬲，我老婆尋晚好惡發好大脾氣！』跟住我哋又再保持見面，直到我七月生日，佢仲話一定要安排食飯慶祝。」

主動提分手 難抵冧功

James已有家室，Tasha直言知道關係不會長久，曾多次主動提出終止關係，更曾編造「和舊愛翻撻」來把關係結束，Tasha說：「當時James聽完都話ok，佢話我跟隨番自己感覺就可以，但到九月時James又主動搵番我。我係鍾意佢，佢搵番我，又成日話叫我等佢，我話晒係一個女仔，當然冇抗拒。」

之後Tasha和盛品儒開始減少見面，緣於盛品儒常要到外地工作，Tasha說：「我哋最後一次見面係一月二號。（有冇進行親密性行為？）點會冇！大家識咗咁耐。」Tasha聲稱本來於上星期二約定本周三見面：「因為我哋好耐冇見，知佢又要去上海又要去北京，我話晒係女仔，咁耐冇見鍾意嘅人，當然會有詐型發脾氣，但約咗之後佢開始話自己忙，我有問即係想點，之後發現佢電話WhatsApp等block咗我。我一直冇叫James畀咩承諾我，我冇要求，我只係要求佢多啲陪我，佢話冇問題。佢有話過會帶我出trip，我話都ok，自己買機票一個過去搵佢，低調啲都ok。」

「佢上星期先知我六月有BB」

Tasha聲稱在去年六月為James墮胎，問到有何證據是James的骨肉：「算啦！就算我依家攞多啲證據，佢都唔會認啦！梗係兩敗俱傷！我當時冇同James講，係因為唔想佢難做。」她說有感對方冇一個正式交待，有苦無路訴，故在討論區訴苦：「我同James咁耐，真係鍾意佢，冇諗住得到啲咩。點解唔正式畀個交待我而去玩消失？James都係上星期先知我六月有BB，當時佢話我一直冇提，大家以後都唔好提。早兩日蔡一鳳有打畀我，佢代佢老公講對唔住，我都有話想約出嚟傾清楚。我唔係想要啲乜，一直以嚟我都冇攞過James任何嘢，只係想有一個交待，依家搞到咁，我想講呢個男人好薄情，我講乜佢都見招拆招。」

至於蔡一鳳在Facebook反問Tasha是否要告她誹謗及通姦，Tasha說：「我有證有據，點告？告通姦豈不是告埋佢老公？」問到蔡一鳳是否處處維護James，Tasha說：「當然佢真係好好，咁支持James！」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment