勁狠!黃德斌打到麥嘉倫頭破血流

20160321
東網電視
更多新聞短片
黃德斌喺拍攝嗰陣將麥嘉倫打到瞓地頭破血流,認真兇狠。

藝人黃德斌到屯門海水淡化廠拍攝無綫新劇《致命復活》,只見拍攝時麥嘉倫慘遭德斌毒手打致瞓地頭破血流,德斌亦直認《致》劇多動作場面,充斥拯救戲份:「救大人細路都有。(受傷?)小小傷一定有,逢係動作戲都一定有,好彩唔係大傷。」

曾被吊起毒打

但硬漢德斌今次在劇中亦曾被吊起毒打:「係呀,吊咗兩日,係講我有仇家嘅,畀人尋仇。(打得好甘?)好甘㗎!眼都爆晒,又要割肉呀,直頭酷刑咁,又要搵鹽灑去你啲傷口度,正式嘅傷口灑鹽。(出唔出得街㗎?)應該得啩,不過吊住都辛苦,拍兩日係因為第一拍唔晒,第一日好啲啦,因為好天,咁第二日天氣就好凍,又要淋水,真係酷刑。」

感慨鄧婉媚離世

提到著名監製鄧婉媚離世,德斌與她雖未曾合作,但再聞圈內死訊,德斌感慨萬千:「今年好多事,所以生命,開心嘅時候開心多啲,人生苦短!」