林峯目標零脂肪　唔敢同吳千語鬥瘦

歌手林峯努力為下月在紅館開演唱會忙於操練身型，見他出席頒獎禮活動，面頰消瘦不少，林峯則言：「未夠，依家150磅，仲想個人薄啲。（零脂肪？）希望啦。」快要瘦過女朋友吳千語？林峯笑謂：「好難挑戰佢，依家飲食都控制得幾好，只食蛋白同烚雞肉。」問到練出八舊腹肌未？林峯謂：「摸到啲啦！要睇入場睇啦！（演唱會有冇危險動作要練？）都有啲，但唔係為危險而做係為效果。」

懶理被封殺

講到因當日林峯不續約無綫，疑惹怒無綫，並且有指林峯派台的兩首新歌及一切活動訪問都被無綫全面封殺？林峯表示：「都係聽到你哋講（傳聞）先發覺。（話吳雨親自傾都傾唔掂？）冇嘅，唔到控制，自己做自己嘢啦。」

總有機同無綫再合作

當年林峯為無綫仆心仆命，現被封殺可覺心噏？林峯看得很開：「冇，實有機會合作，因好多以前嘅舊同事都有見面，總有機會合作。」現他的新歌在無綫「零曝光」，可擔心影響新碟及演唱會？林峯謂：「老實講，每年演唱會賣飛嘅嘢都冇理，唯一擔心係要記演唱會嘅嘢，而我亦相信公司同事嘅能力。」