告別主持6年節目　篠田麻里子寫真救人氣

日本女團AKB48前成員篠田麻里子，宣布離開擔任主持超過6年嘅日本NTV電視台早晨直播資訊節《PON！》。佢今朝最後一日演出，獲得男主持人獻上花束，而篠田亦好感激觀眾一直以嚟嘅支持。

但篠田麻里子自從2013年離開AKB後，雖然有做雜誌模特兒又拍戲，但近年工作量買少見少，外界都好擔心佢冇理主持多年嘅節目，遲早會喺藝能界消失。另外，已經30歲嘅篠田，去年宣布唔再拍水着寫真後，會喺下個月21日推出寫真集《Memories》，收錄佢過去6年為漫畫雜誌所拍嘅水着照，而公開咗其中一張用喱士矇眼嘅相片。