劉欣宜扮靚靚做Spa　周六嫁細心男友

擁有34D逼爆身材的「E Cup Baby」劉欣宜（Miyoko）與男友陳子敏（Roy）將在後日舉行婚禮，更邀請了多位圈中好友包括張繼聰、謝安琪及李蘊等出席。

爆求婚過程

Miyoko日前即把握時間做spa兼按摩，務求以最佳狀態出嫁！Miyoko接受《東網》訪問時又透露驚喜求婚的細節，令在旁的未婚夫Roy相當害羞，她說：「嗰日係我生日正日，佢本身話一啲預備都冇，咁啱有朋友畀咗兩張飛我哋去睇戲，入場之前佢同我講佢肚痛，之後睇到臨完場佢又走咗出去，之後個螢幕開始我哋播嘅相，仲播咗佢唱歌嘅片出嚟，之後佢就出場講咗一大堆好感人嘅說話！」

Roy勁細心

Roy亦提到二人初相識時只當對方是「工作伙伴」：「一開始係合作一首歌，慢慢因為音樂而有共同話題，了解之下發現佢係一個好孝順嘅女仔，同佢本身形象好唔同，好有吸引力，覺得佢就係我嗰個終生伴侶！」而Miyoko就大讚Roy細心：「佢成日送啲好有心思嘅小禮物畀我，好似有一年聖誕佢準備咗抽禮物環節，有廿份平日我需要嘅小禮物，又試過畫成本漫畫畀我，記得晒我哋兩個人嘅生活點滴。」

二人又對「造人」計劃及家務分配有共識，Miyoko指：「我只係負責煮，其他洗碗洗衫全部交畀佢！生b嘅話都想嘅，不過會過一年二人世界先，生嘅話都希望生兩個，如果教細路我應該會係惡媽，比較狠心，佢（指Roy）就好心軟，做慈父。」

場地：Barely Beauty

妝髮：Yanki Cheung@GABY make up