2百歌迷撐場！AGA自掏荷包買碟畀男友

歌手AGA（江海迦）舉行處女簽名會，吸引二百歌迷排隊簽名，AGA表示一度擔心天氣問題沒有歌迷到場，她說：「初時話會落雨，落到嚟見咁到多人支持都幾開心。」並透露自掏荷包購了十多張新碟，問到是否送給男友？單身多時的AGA說：「冇男朋友，買隻擺喺到儲住先，遲啲送畀未來嗰個人。」

睇戲攞靈感寫歌

問到入行後是否沒人追求？AGA說：「入行之後我都幾宅，係咁畀人追歌債，又冇時間，可能有啲歌唔係自己寫就會冇咁緊張。」問到寫歌靈感來自甚麼？AGA說：「靈感就係睇戲。」

望快找到男友

AGA承認加盟環球後Dry了三年，她說：「唔好提我傷心事啦，希望有一日遇到欣賞我音樂男生出現。（續約要環球搵到另一半？）希望喺環球有生之年搵到男朋友，我未到三字，希望快啲有。」