郭晉安祝楊怡嫁得好：佢一定係個好媽媽

與新娘子楊怡一齊拍攝無綫新劇《末代御醫》的郭晉安，得悉好友在英國古堡結婚，當然戥對方高興，他回覆《東網》說：「我剛剛WhatsApp咗佢，恭喜佢哋百年好合生多兩個小朋友。（知道佢好想生？）都差唔多啦！阿怡一定係個好媽媽，見佢家姐楊卓娜都生咗兩個，湊得咁好，一定冇問題！（送咩禮物祝賀佢？）等佢返嚟先啦！（事前有聽阿怡講結婚？）冇呀，不過點都支持佢，最緊要佢兩個二人世界開心，見佢哋喺古堡結婚，英國好正呀！」