譚凱琪太惹火 「小耀明」動L了!

20160327
東網電視
更多新聞短片
「小耀明」你做咩呀!

前港姐季朱千雪喺無綫劇集《EU超時任務》中人氣急升,不過其實入面另一位女角譚凱琪,原來都深受好多網友愛戴!喺尋晚播出嗰集,就講到飾演記者嘅譚凱琪為咗搵料,竟然深入虎穴,着上吊帶連身裙去搵王浩信手下戴耀明套料。開頭戴耀明見到譚凱琪着得咁性感,都即刻飛撲埋佢嗰度,係咁望住譚凱琪,對住佢係咁抹汗,勁着迷!

網民讚夠晒3D

而成功運用到美人計嘅譚凱琪,仲得寸進尺坐埋喺戴耀明隔籬,當時戴耀明勁開心,完全進入忘我狀態!點知有眼利網友發現戴耀明下體竟然離奇激凸,估唔到連「小耀明」都同樣入戲。而向來專業嘅譚凱琪,當然係冇理咁多,繼續演戲!有唔少網友就話呢場除咗好少見到譚凱琪咁性感,場面夠晒香艷之外,仲估唔到嚟多個離奇激凸,話成個畫面真係夠晒3D!

其實戴耀明加入無綫咁耐,最令人印象深刻都係做一啲變態、瘋狂粉絲同咸濕佬,呢幾個角色可算係當中嘅代表角色,雖然有唔少人都話佢激凸夠晒有話題性,不過亦都有人話會唔會係戴耀明自己僭建落去,等出嚟個畫面變得更加好睇,不過無論點都好,都已經成功吸引網民嘅留意啦!

網友有話兒:

gbx2xx6:戴耀明條褲發生咩事

canxxxxxxng:關zoe事?

bigxxxxx2006:正常男人係舉旗禮

xx花園:戴耀明千年道行一招喪
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結:
http://on.cc/redirect/entertainment