【石詠莉爆喊】41歲鄧健泓宣布求婚成功
20160330
東網電視
更多新聞短片
好Sweet呀！
現年41歲的藝人鄧健泓（Patrick）與女友石詠莉（Sukie）年齡相距13年，兩人拍拖多時感情有增無減。今日，Patrick同Sukie各自喺Facebook發表千字文，宣布Patrick求婚成功！
慶功變求婚
事後《東網》與Patrick取得聯絡，他開心大講求婚過程：「尋晚玩到好夜，個求婚計劃都準備咗成半個月，Suki喺IFPI香港唱片銷量大獎2015頒獎典禮攞咗兩個獎項，尋晚表面上搞咗個驚喜慶功Party幫佢慶祝，實際上係想畀個求婚驚喜佢，邀請咗大約50幾個親戚朋友、雙方家長、Sukie嘅老闆蕭定一等做見證。由於要瞞住Sukie好難，所以要演得好有技巧。咁Suki原先係唔知有個慶功Party嘅，之後特登叫佢後Join，而我就一早到場做定準備功夫。當Sukie嚟到個Party時，佢見到個場面已經好感動，初時以為只係幫佢慶功。」
求婚超緊張
Patrick又再感性地續說：「其實自己做咗咁耐演員，都未曾試過咁緊張同尷尬，但當去到嗰個Moment，原來真係會唔同。」至於講到中國傳統中，今年係盲年不宜嫁娶，Patrick就笑言：「喺迷信角度嚟講，係要啲婚事沖吓喜。」問到送給Sukie的鑽戒有多少卡？Patrick說：「價錢唔緊要，最重要誠意，我今日就算畀隻草戒子或者汽水樽蓋佢，我諗佢都會應承，因為佢已經知道個情意。」至於幾時拉埋天窗？Patrick表示今年是盲年，等女友今年完成第二隻Hi-Fi碟後才計劃婚事。
愛的宣言冧女友
據知，Patrick於求婚派對上對女友表示：「今日呢兩個獎對我哋好大意義，因為一開始做呢隻碟嘅時候，我同佢講，我哋唔好等機會，我哋自己做啦，我哋嘅目標就係今晚嘅IFPI，結果我哋攞到。我哋做每一樣嘢都有目標，人生都係、愛情都係，我哋都有個目標，所以今日我想做一樣嘢，佢成日話我未求婚，我想喺一個right moment去求婚。我想講，多謝你，我唔富有，我會將我最好嘅同你分享，以後都係，永遠都係。」
求婚過程雞手鴨腳
這時手拎花束的Patrick跪在地上，掏出鑽戒向女友求婚，但他就緊張到慌失失，不時傻笑，其後向Sukie發表愛的宣言：「呢三年我哋經歷好多，經歷佢最唔開心時間，亦都試過一齊做嘢嘅經歷，都有啲成績，希望將來我哋一路喺呢條船度繼續向前行，你願意嫁畀我嗎？」全程未停過喊的Sukie點頭肯嫁，Patrick即為她戴上鑽戒，兩人在嘉賓起哄下錫了一啖，場面溫馨感人！
準新娘喊足一晚
至於喊足一晚的準新娘Sukie，對於男友驚喜求婚則笑說：「係感動同喊，呢個party我真係唔知，只係之前覺得有啲奇怪，身邊啲朋友好似唔尋常，有啲古怪，Patrick又有啲電話蠱蠱惑惑咁，仲以為佢做嘢好辛苦又想我擔心，原來佢係搞緊呢樣嘢，我覺得好驚喜，佢真係好願意為我付出，係冧爆嘅。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：