楊怡謙仔夾口供 唔肯講幾時擺酒
20160331
東網電視
更多新聞短片
唔知幾時先會有確實日期呢？
藝人羅仲謙、楊怡日前喺英國秘密註冊結婚同影婚紗照，但最後都係爆咗出嚟，依個世界，邊有咁多秘密架！而鍾意玩神秘嘅佢哋，對於擺酒嘅日子一樣唔肯講。
有傳佢哋已經定咗會喺十二月擺酒，對此，羅仲謙接受《東網》訪問時坦言：「返嚟香港嗰日我都講過話係今年嘅事，一切籌備中，有消息就叫通知大家。」佢又否認老婆楊怡現時懷孕，問到依家係咪會不設防，盡快生小朋友，謙仔就話：「總之有好消息就會同大家講。」
而楊怡接受《東網》訪問時亦笑謂：「日子仲擇緊，有確實日子會話畀大家知，而且並唔係好似啲報道咁話有喜、好急結婚，有喜唔係真嘅！大家都咁多年，依家結婚都唔急呀！時機到大家咪結婚囉！總之有乜好消息，就會同大家講，大家唔使揣測。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：