鄺祖德避談陳慧嫻：依家工作為主

音樂人鄺祖德出席東華三院聯歡晚宴，他表示主要支持好友兼該院副主席王賢誌場，問到會否有興趣入局？他坦言：「我依家幫緊姐姐嘅乳癌慈善機構手，喺佢個機構學多啲嘢先，由細機構再入大機構。」

談到近況，他稱正籌備乳癌機構的慈善活動及為盧冠廷的大碟內其中一首歌曲編曲，問到會否出碟？他說：「我都有少少心郁，想做發燒碟，我自從2010年之後已經冇出過，如果有機會都想。」

懶理負評

早前鄺祖德自爆與陳慧嫻拍拖，但因年紀問題分手，問到他之前有否跟慧嫻聯絡？他不願多談：「要講嘅已經講晒，多謝大家關心。（你依家嘅感情狀況？）工作為主。（有冇留意外界對你評論？）要講嘅已經講過，佢哋要點寫都得，多謝關心。（會唔會怕咗，以後唔同圈中人拍拖？）到時再決定。每個緣份有唔同，可能到時有另一種想法，唔同時間遇到唔同緣份。（之前網友對你有唔好嘅評論，你會唔會想澄清？）我唔需要再講，做慈善同音樂，希望喺呢方面去慢慢得到人嘅信任。」