網民熱話：34歲譚凱琪BB突「圍」而出
20160401
東網電視
更多新聞短片
譚凱琪終於上位，捱咗咁耐終於等到！
無綫劇《EU超時任務》搵嚟多位女神孭飛，有藝人朱千雪BB、苟芸慧、朱晨麗、劉佩玥等，但最搶眼居然係飾演「水晶梨」嘅譚凱琪，喺劇中頻頻性感示人，早前更誘到戴耀明「動L」，火速上位。
同「小雲」撞樣？
凱琪BB最近有幾紅？試吓喺Google 打個「譚」字，頭兩個彈出嚟嘅搜尋建議已經係關於「譚凱琪」。有上開網都知，唔少討論區都充斥住有關佢嘅Post，名為「譚凱琪BB 好正」、「譚凱琪好似唔錯Wor！」，有網民更開Post話覺得處境劇《愛．回家》中嘅「小雲」陳芷尤同佢有啲似：「有無巴打覺得陳芷尤好似譚凱琪？」明顯勁多人關注！
出道16年終上位！
網民為凱琪BB進行「考古」，見佢外表的的骰骰，好多人以為佢係初出道嘅小花，但唔講唔知，原來佢已經出道咗16年，冇錯，係16年，今年凱琪BB已經34歲嚕！原來佢係歌手出身，而且係日本著名音樂家小室哲哉弟子，當時同門仲有「索腿天后」陳敏之。不過喺音樂事業上發展平平嘅凱琪BB，後來轉攻有線，之後喺2013年先加入無綫。
睇凱琪BB嘅Instagram，發現佢原來唔似一般女神常常放「福利圖」，反而一直都密密實實，貫切清純形象。今次佢喺《EU超時任務》中性感演出，可謂盡地一煲，唔上位都難！
網民有話兒
妮xxB：好似台灣個hold住姐
醉xxx袖：係咪得我睇咗做薛凱琪
雞x哥：佢係咪姐（啫）係愛回家個小雲？
高xxx花：係灣仔見過佢, 真人幾靚
調xx手：譚凱琪靚D，不過小雲大波D（啲）
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：