林夕撐廣東歌未死:仲有首《亞視永恒》

20160401
東網電視
更多新聞短片
于逸堯、黃偉文、林夕三人都曾經在亞視工作過。

音樂創作人于逸堯、林夕、黃偉文三人在台上chat,三人都曾經在亞視工作過,林夕說:「我哋咁嘅陣容都喺亞視做過,證明亞視都曾經都幾光輝。」

蝕錢照做廣東歌

三人又圍繞講廣東歌話題,好多數字證明廣東歌愈來愈沒落,林夕說:「唔應該咁膚淺講數字上嘅死。」黃偉文即說:「如果咁講粵曲係咪死呀?如果計數字每年有幾多首新粵曲?」黃偉文表示廣東歌未死,香港還有很多人不惜工本,即使蝕錢都繼續做廣東歌,亦有好多粉絲搵廣東歌來聽,證明廣東歌未死,他笑說:「最壞嘅情況都係盂蘭節見。」

林夕開金口

林夕續說:「起碼有首歌hit咗好耐,hit到依家,就係《亞視永恒》。」他隨即開金口唱了幾句,並隨即以普通話唱:「亞視永恒,關門的是你。」他指始終廣東話是無法被替代,明撐廣東歌。對有些人以不聽廣東歌為榮,他說:「生於斯長於斯,點可以咁諗。」

不同年代有不同流行歌

黃偉文表示每個年代都有不同的流行歌曲,今晚黃耀明唱了很多黎小田創作的亞視劇集經典歌曲,林夕又為他偶像填詞人盧國沾發聲,他說:「盧國沾、黎小田呢個組合嘅歌成就不下於煇黃(顧嘉煇、黃霑)。」

廣東歌比亞視永恆

對好多歌手唱國語歌,他們怎樣支持廣東歌,黃偉文笑說:「收少啲,或者唔收囉,本身都唔係收得多。」林夕則謂:「我會繼續寫廣東歌,同錢係冇關係嘅,Wyman都係,都話我哋上咗岸,如果冇廣東歌做籌碼,唱啲國語歌鬼聽咩。」亞視就快熄機,林夕說:「可以死而復生嘅,亞視都話轉上網台,廣東歌一定會比亞視永恆。」