紅地氈:雲南姑娘春夏由頭娘到落腳

20160403
東網電視
更多新聞短片
春夏(左圖左)真係令小編嚇一跳兼得啖笑。

內地演員、雲南姑娘春夏憑藉喺電影《踏血尋梅》嘅出眾演出,成為今晚金像獎新演員大熱。雖然佢嘅演技不容置疑,但係佢嘅品味就...。咳咳,好明顯係悉心打扮亮點金像獎紅地氈嘅春夏,以一身彩圖SATIN衣料晚裝現身紅地氈,個圖案本身已經唔係好靚,兼散發住陣陣娘味,不過可惜驚喜仲未止咁,當你嘅眼球PAN落去嘅時候,會發現春夏戰衣嘅裙腳,竟然有一塊桃紅色透視薄紗,嘩!即刻娘味上升,加埋嗰對毛毛涼鞋,真係...(歡迎自行填充)

反觀另一位內地女星蔡潔就四正好多,佢以一身性感晚裝亮相,勁拋一雙白滑美乳,當佢企埋春夏側邊,大家即刻明白晒咩叫高低立見。