黃耀明開騷研究亞視死因

歌手黃耀明在旺角麥花臣體育館舉行的一連三場「美麗的呼聲聽證會」終於來到尾場，獲劉以達夫婦、林夕、邵仲衡、林日曦等到場支持。這次個唱主題圍繞已熄機的亞視，穿上金色西裝的黃耀明演唱幾首歌後，表示第三個晚上終於等到亦師亦友的何韻詩（阿菇）前來捧場：「佢轉咗3次飛機，delay咗7次，終於喺八點二十唔知幾多分到咗，多謝阿菇，點可以冇咗你。」

探究亞視死因

提到亞視停播前的告別卡走數風波，阿澤笑說：「點解要投訴佢冇咗張卡呢，佢呃你好奇咩？佢咁多個夥計都呃啦，如果佢係守信用嘅人就唔會搞到執笠啦！」又笑謂最不希望亞視執笠的是一班藝員：「可以有機會議價，你同無綫高層講過亞視，即刻加500蚊畀你。」林日曦笑謂亞視之死可能與自己有關，因之前他曾改編《愛是永恆》一曲做《亞視永恆》：「正所謂真嘅唔好講，一講就死亡。」

無綫存在全靠田蕊妮

講到有人指無綫的存在是靠亞視，阿澤即擺太太田蕊妮上枱說：「無綫嘅存在係靠我老婆！唔係我畀我老婆去做，撐到咁耐？（最收得係武則天。）就係我老婆冇份做囉。」阿澤其後認真表示因時代不同，以前他們看電視很被動，要等待節目播放的時間，但現時上網就可以看到想看的節目，不用等待：「有Internet之後，電視機太大，我老婆晚晚唔瞓覺睇住部iPad一路喺度煲8個鐘頭劇，我見過醫院有護士入?收唔到，都對住部電話睇劇。（有人屙尿都放喺尿兜上面。）就係囉，唔係個尿兜要嚟做咩。」談及到ViuTV的節目《跟住矛盾去旅行》，有份演出的林日曦即說：「同啲friend去就係旅行，同啲唔熟嘅人去就係公幹，所以今次我係去公幹。」