黃宗澤踢爆金剛唔寂寞：晚晚都有

藝人黃宗澤（Bosco）和金剛在將軍澳無綫電視廣播城接受《今日VIP》節目主持梁嘉琪訪問，大談主演的新片《刑警兄弟》的趣事。該片將於4月22日上映，但其實這部電影在2013年已經拍畢，而金剛亦猜不到事隔多時才搬上大銀幕。問可有了解原因？金剛笑言電影是大製作，Bosco即補充：「《阿凡達》都拍成十年啦！」而起初擔心電影會脫節，但他們看畢預告片後覺得冇問題，金剛聞言笑說：「最擔心係佢（套戲）走先定我走先，如果我走先就變咗遺作！」

談到票房，金剛直言有信心，因身邊好友都會入場捧Bosco場：「我話我都有份演，佢哋好冷淡咁話『係咩』，所以靠晒Bosco喇！」而Bosco則指金剛演技「小學雞」味濃，更自爆在戲中有剃腳毛和心口毛的AV女優造型：「剃心口毛時仲剃損咗，因為好少剃嗰個位！」豈料金剛則說：「我喺戲入面會做男人孤單寂寞時要做嘅事，個心理壓力幾大㗎！」Bosco即抽水：「因為你從來冇孤單過，晚晚都有嘛！」非常搞笑。