阿Sa喪講「收縮水」　馮淬帆Cool爆懶理

曾志偉監製的新片《GOOD TAKE！》共有五個短篇單元，包括：《水泥》、《囍宴》、《Good Take》、《不一定》和《嚇鬼》，其中搞笑「鬼」故事《嚇鬼》造就蔡卓妍（阿Sa）與馮淬帆、苗僑偉等前輩結片緣。

密謀轉戰幕後

馮淬帆於電影《精裝追女仔》中，因為「收縮水」而全身痙攣「縮埋一嚿」，成了片中的經典一幕，阿Sa對該場戲十分難忘，一見到首次合作的馮淬帆就不停說「收縮水」，馮淬帆則貫徹Cool爆性格懶理她，阿Sa笑說：「佢好Cool，好彩冇鬧我！」

一向支持新導演的曾志偉指這些導演需要好演員參演以發揮潛能，而阿Sa亦義不容辭出手相助。問會否踩過界做導演？阿Sa坦言正逐漸參與幕後製作：「成日都搵阿甫（導演黃精甫），睇吓有冇咩搞作，點知佢好忙，我唔係佢杯茶！（落手拍攝？）冇咁大信心住！」又透露找了編劇及導演埋班開拍愛情片：「我野心好大㗎！」

阿仔導優於演

談到囝囝曾國祥執導拍《水泥》單元，曾志偉即笑言囝囝做導演好過做演員，問有否當面讚他？志偉說：「我讚冇用，觀眾讚先得，唔通『阿仔好嘢、阿仔好嘢』咩？佢都好驚我左右佢，畀啲好商業嘅元素佢，影響咗創作。」此外，盧大偉生前亦有參與《嚇鬼》演出，成為其遺作，志偉透露認為大偉很有正能量，故找他演出。

曾志偉

妝髮：阿雪

蔡卓妍

化妝：Circle Cheung（ndnco.co）

髮型：Jimmy Chan（hair culture）