苗僑偉自認酒量好過曾志偉

20160406
東網電視
更多新聞短片
苗僑偉自認酒量一般,不過佢就話會好過曾志偉(紅圈)。

藝人苗僑偉現身無綫,為節目《男人食堂》擔任嘉賓,提到今集內容會談及酒,他表示自己的酒量一般,不過就好過曾志偉,因自己會懂得控制酒量,又指志偉即使飲醉都只是睡覺,不會搞事。

飲醉攬住朋友錫

至於可有飲醉過?苗僑偉說:「唯一一次飲到斷片係三嫂(太太戚美珍)大壽,攬住啲男性朋友係咁錫,酒醉都有三分醒,如果錫女仔就變咗搏懵。」至於飲得酒多,太太可有怨言?他表示沒有,因太太知道自己飲酒是開心,而且又會懂得控制,如果開始醉就會停,不會追酒飲,他又笑說:「依家返大陸做嘢,十六個人食飯會有十五個人敬你,而且係烈酒,飲茅台,所以要識得控制。」

有啱無綫劇就拍

談到工作,苗僑偉表示即將到內地及香港宣傳兩部電影,而月尾亦要到橫店拍攝電視劇,而太太亦會與他同行。至於無綫劇集方面,他則表示暫時未有找他拍劇,他說:「有啱就會搵我。(有新電視台?)會返去睇吓,有啱嘅節目都可以傾吓。」