曾國祥片場狂𥄫崔碧珈

20160409
東網電視
更多新聞短片
咁我諗見到崔碧珈(紅圈)性感打扮,都好難忍住唔望多幾眼嘅。

外表斯斯文文的雷琛瑜(J.Arie),在電影中惡女上身,連拍檔曾國祥也被她嚇怕。該片不乏激情場口,但兩人均沒份拍攝,皆因這些場面交給巨咪崔碧珈及郭偉亮,曾國祥更笑言叫郭偉亮多點NG,好讓自己「大飽眼福」!

演員曾國祥(Derek)及雷琛瑜(J.Arie)日前為電影《老笠》宣傳,談到該片不乏激情場口,冇份拍的Derek笑言叫拍檔郭偉亮不斷NG,令同場的自己得以大飽眼福。Derek表示毋須向女友王敏奕備案,他說:「因為色情場口交畀崔碧珈同郭偉亮,我叫郭偉亮NG多啲,可以睇多幾場!(向女友備案?)唔使,睇都要報案咩?」J.Arie就笑說:「崔碧珈有場着馬甲同絲襪嘅戲要清場,但唔知點解清極都好多人,成場滿晒!」

挑戰做乖仔
提到電影題材敏感,問二人事前有否擔心形象問題?Derek笑言自己冇形象可言:「我不嬲都冇形象,年輕演員愈敏感就愈想做。(下次挑戰咩角色?)做乖仔,有挑戰性!」

J.Arie則渴望演出瘋婦角色,又指自己與性感無緣。Derek就踢爆J.Arie一開機即「惡女」上身,更被對方嚇窒:「唔好睇佢平時好斯文,唱歌又有才華,佢內裏好有火,我見到佢都驚,唔敢得罪佢!」

場地:Centre de Vin

服裝:Uniform Experiment@I.T、b+ab@i.t

化妝及髮型:Yannes Lee@NDNCO、Ryan Ma@Amour Hair Spa & Salon(曾國祥)Jessica Chan@jessicachan make-up work shop、Kenki@private-i salon(雷琛瑜)