鄧雅瑜勁冧單眼皮男

前珠寶小姐鄧雅瑜（Ayu）和碩士女藝人柯嘉琪（Kiko）孖住行慈善時裝騷，Ayu表示與Kiko已認識13年：「我哋係行騷時認識大家，之後經常都有合作，好開心13年後都仲可以繼續一齊行，希望之後有更多個13年。」

Ayu續高興表示可參與為香港乳癌基金籌款的時裝騷，又謂女士的健康很重要：「我有留意乳癌，亦有留意子宮頸癌，所以都已經打晒HPV疫苗。」談及好友Kiko希望30歲前結婚，自己有否訂下結婚年齡？現年27歲的她說：「我都想30歲前結婚。（咁拍拖未？）有追求者，有成熟、有穩重、有韓國仔型男，其實我比較鍾意韓仔感覺啲，因為我好鍾意單眼皮，所以我都瘋狂追韓國，依家有睇《太陽的後裔》，之前睇《來自星星的你》都翻睇咗5、6次。」