黎美言鄧穎芝不和！張紋嘉嘆難做和事老

歌手胡鴻鈞、張紋嘉（Crystal）、張惠雅（Regen）等現身支持「饑饉市集」，提到前HotCha成員的黎美言（Winkie）參與的節目《G1格鬥會》已播出，Crystal謂有觀看第一集，而Regen則表示有看預告。

如拍格鬥騷斷父女關係

對於Winkie被指犯眾憎，兩人說：「佢哋打到拳拳到肉，我哋都好respect佢哋嘅勇氣同堅，唔好理啲是是非非，啲參加者都好勇敢！」而Regen謂父母亦有觀看節目：「我阿爸話如果我去拍呢啲節目，就會同我斷絕父女關係，佢哋（指父母）好驚。」問到Winkie拍攝時可有向她們呻？兩人表示知道對方辛苦：「Vangie（鄧穎芝）講得最多，見佢又要跑步又要train肌肉，除咗group training，仲有individual嘅training，嗰排參加呢個節目嘅人都好似失蹤咁。」

難處理好友不和

提到Winkie與Vangie鬧不和，Regen說：「我睇新聞都好明顯，攤晒牌咁，但好睇嘅，大家唔假。」而Crystal指平日都會分別約Winkie和Vangie吃飯，不過很少三人一起吃飯。問到可會當和事老？她說：「好複雜呀呢啲嘢，女仔呢啲嘢好難（處理）架。」Regen就笑言節目結束後，兩人可能就會和好：「睇到啲新聞覺得好精彩，所以想追。」

張惠雅曾畀飛女摑

問到可有打架的經歷？Regen說：「細個冇遇過畀人打，淨係試過畀啲飛女摑一巴，我嗰時唔出聲，冇喊，但之後去報警。」Crystal亦笑說：「一打我就應該會暈，我體能好差，以前上PE堂會用藉口唔上，平時畀人撞都好容易飛出。」