父子檔拍戲！夏雨讚仔仔演技有進步

資深藝人夏雨與兒子黃俊銘（Dixon）、Babyjohn（蔡瀚億）、趙學而、吳耀漢及邵音音等出席《救殭清道夫》煞科宴，男主角錢小豪及有「馬國女神」之稱的林明禎則缺席。

今次擔任監製的夏雨表示下月會再下一城，監製講述三隻鬼的新片，問會否擔心未能打入大陸市場？他說：「呢部殭屍又唔怕，佢哋（大陸發行商）好有興趣，最重要係過到送檢呢個關口。」他透露兒子Dixon有份參與《殭》片，客串飾演黑警一角，兩人之前已父子檔合作過一次，問到兒子有否進步？他笑說：「差唔多啦！點都好咗啲，都仲有好多進步空間。（有冇鬧？）我鬧冇用嘅，留畀人教。（下次套戲畀個仔戲份多啲？）儲吓經驗先，咁快做男主角盞死得快啲。」Dixon笑言上次合作首日已被父親鬧了一餐，今次則「多教冇鬧」。

Ready再拍劇

對於金牌監製劉家豪及梅小青回歸TVB，夏雨表示隨時Ready再拍劇，而他與兩人及李司棋、關菊英、米雪亦經常飯敘，得知劉家豪計劃開拍《溏心風暴3》，梅小青則想再拍《宮心計》、《公主嫁到》及《爸爸》系列。

唔信TVB被搶收視

另外，問到會否參與新開台ViuTV的節目？夏雨表示現時自由身，有適合會參與，但暫時未有。對於ViuTV開台後，TVB黃金時段收視疑受影響，夏雨表現錯愕，似乎不太相信：「會唔會呀？不過有競爭係好事。」