山本耕史演新版《同一屋簷下》感安心

日本天才童星蘆田愛菜，當年憑演出催淚劇《愛母罪》走紅藝能界，甚至踩入荷李活拍西片。唔經唔覺已經11歲嘅佢，尋日着上水手校服，同曾演出晨早劇《阿政－威士忌第一人》的外籍女星Charlotte Kate Fox出席本周日首播嘅新劇《OUR HOUSE》記者會。

劇集由名編劇野島伸司負責創作劇本，被封為「現代版」《同一屋簷下》。愛菜喺劇中飾演一名初中生，喺母親離世後，獨力照顧家中父親同兄弟妹嘅起居飲食，點知一日，父親突然宣布要同美國認識的Charlotte Kate Fox閃電再婚，未能接受事實的愛菜，因而頻頻與外籍繼母起衝突。山本耕史自劇集《同一屋簷下2》後，相隔19年再同野島伸司合作，佢話內心有難以用言語表達嘅安心感。