野田妹有著落!上野樹里爆戀Band友半年等嫁

20160411
東網電視
更多新聞短片
上野樹里同和田唱撻著半年,襯唔襯呀?

下月便滿30歲的日本女星上野樹里,今日被日本報章《日刊Sports》踢爆跟年長10歲嘅搖滾樂隊TRICERATOPS主音兼結他手和田唱撻著半年。日前,上野出席代言活動時,自爆近日有入廚學煮餸,似為升呢做人妻做準備!

其實上野樹里由以前開始已經係TRICERATOPS嘅粉絲,成日現身睇騷,而家仲同埋自己偶像一齊添,真係令人羨慕!去年時,上野樹里已經現身和田唱有份參加嘅音樂節目錄影,又被歌迷見到一齊去睇歌手山下達郎嘅演唱會,據知兩個而家交往好穩定,有考慮結婚組織家庭,食住日本娛樂圈近年閃婚熱潮個勢。和田出身自名人家夜,爸爸係名插畫家兼導演和田誠,阿媽係有「日本方太」之稱0既烹飪節目主持人兼料理家平野Remi。上野所屬事務所回應緋聞,表示唔會過問佢0既私事。

上野樹里當年因為《交響唱人夢》一角「野田妹」深入民心,好多粉絲不知幾想佢同「千秋學長」玉木宏可以戲假成真,睇嚟今次野田妹戀情曝光令唔少粉絲失望。