《韓劇榜》：吳智昊湊B惹爆笑

新一集《韓劇榜》又嚟喇！今集會為大家推介韓國午夜劇，喺凌晨12點40分播出、由吳智昊主演嘅《My Little Baby》，劇集講述吳智昊要幫過身嘅家姐照顧BB，仲因為照顧外甥女而發生好多搞笑嘅事！而女主角就係女團4Minute嘅南智賢，南智賢喺劇中飾演瑜伽導師，仲不時烏身晒事業線，千萬咪錯過呀！

另外，電影方面會推介由趙正錫、林秀晶及李鎮旭主演嘅《時間脫離者》，《時間脫離者》同《Signal》一樣，都會同過去嘅人對話，所以劇情都好緊張架！而《Produce 101》勝出嘅11位成員，最近組成I.O.I女團推出新MV《CRUSH》，不過由於MV太過求其，所以有唔少網民都唔Like！

而今集「韓星小百科」嘅主角就係BTOB嘅成員李昌燮，想知講啲咩，記得收睇喇！