賴慰玲恨孖秋生合作 陳嘉寶自薦𢱑撈

20160412
東網電視
更多新聞短片
陳嘉寶同賴慰玲都話佢哋成日喺拍劇嗰陣打錯隔離,誤傷旁人。

藝人陳嘉寶及賴慰玲(Winki)出席無綫新劇《殭》於尖沙咀的首播飯局時自爆二人經常在拍劇之時誤傷旁人,嘉寶笑言:「例如大家要求我打point A,我就打咗B。(打錯武師?)佢哋都慣,第一次見羅莽師傅,佢問我學過打未,我話未,佢就反問番我,佢係咪要帶多啲護墊。」更被身傍的賴慰玲反嘲嘉寶只得劇中好打,嘉寶亦自認只懂「戲劇功夫」:「得個樣。」

而Winki則自嘲是「逃避功夫」:「我係好容易畀人一拳打死!」但她亦曾在刻中打黃又南致對方流足四小時眼淚:「我整親佢個眼袋,成個眼袋抓咗出嚟。」

感謝秋生大讚

提到早前黃秋生大讚Winki,她都即時向秋生表示感謝,笑言:「但調番轉,佢係咪讚我嘅話,就快啲製造一啲同我合作嘅機會啦!咁我哋咪有機會困吓囉!」雖然二人曾在無綫處境劇《愛·回家之八時入席》曾合作,但亦只屬萍水相逢:「最想同佢(黃秋生)合作舞台劇,始終大家都係舞台劇出身。」於是嘉寶聽後便即時自薦做茶水:「我可以斟茶。(𢱑撈?)係呀,依家個市況麻麻。」更笑言反問記者求職,認真盞鬼。