網民激推做視帝 王浩信感動到喊

20160412
東網電視
更多新聞短片
王浩信真係喊咗!堅係喊咗!

王浩信於劇集《EU超時任務》中「渠頭」一角甚為討好,現時此劇除成為今年暫時大結局平均收視最高外,王浩信亦憑這個村長角色成功俘虜網民的心,不少網民都受他的演技感動,推舉他為今年視帝,令佢簡直感動到喊咗出嚟!

對視帝冇信心

而微博上,不少同行及演員都讚浩信演得很好,對此,身在越南的浩信再次接受《東網》獨家訪問,問到他對視帝獎項會否有信心?他謙稱謂:「信心冇乜,依家先係年頭,不過喺網民心目中如果佢哋覺得我值得拎嘅,我已經覺得係頒咗畀我,我真係好開心,自己會繼續努力,做好自己,希望有啲提名啦!(尋晚同監製慶祝咗?)未呀!因為尋晚開工到凌晨,今朝五點又開工,今晚希望大家食餐飯慶祝。」

陳自瑤:老公已係我心目中視帝

至於王浩信的太太陳自瑤亦坦言戥老公開心,亦已恭喜對方:「其實佢套套劇都好畀心機拍,好努力,佢有咁好成績好戥佢開心,至於攞唔攞到視帝,平常心啦!始終咁多套劇未出,不過網民咁樣祝福佢,都好開心,當然,老公已經係我心目中嘅視帝。」

最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結:
http://on.cc/redirect/entertainment