攬仔唔代表拍拖 徐子珊澄清:係我姊妹

20160413
東網電視
更多新聞短片
徐子珊話個男仔係好姊妹喎!
女星徐子珊被指搭上西班牙型男新歡,二人更同遊西班牙,不過男方就否認戀情,直言沒有發展機會。
而正身在馬來西亞工作的子珊,接受《東網》訪問回應緋聞一事。問到是否與型男拍拖?她笑說:「講吓笑啫,佢真係我下屬,幫我做珠寶,依家出咗咁嘅新聞,依家我決定炒咗佢,佢其實就滿三個月試用期,但太靚仔,炒咗佢!(做你咩下屬?)搞珠寶品牌,幫我做啲社交媒體同網站嘅嘢。(有指你跟佢去西班牙?)我冇跟佢!絕對冇,係朋友去旅行。(好親密喎?)姊妹係咁架啦!(屈人哋GAY?)係咩,係我姊妹,你覺得係唔係?(自己考慮過外國對象?)自己冇咩所謂,冇話一定要中國人,但未試過鍾意外國人。」
仲未簽約邵氏
問到合約問題,子珊稱去年8月已約滿無綫。有指她將簽約邵氏?子珊表示:「由8月傾到依家,佢哋一直催我,仲搵咗負責合約嘅同事同我傾,但係我懶,真係唔識合約嘅嘢,又忙緊珠寶嘅嘢,會積極繼續傾落去,同時間佢哋都幫我搵工作,落實咗會話畀大家聽。」
唔覺得要結婚
談到感情事,子珊就表示唔心急:「都有人追,但覺得唔需要揀住,自己唔急,唔覺得要結婚。(多人追?)有嘅時侯就會有,暫時未話想穩定落嚟,去吓約會咁梗有,但未搵到啱嘅對象拍拖。」
最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。預知未來,相信好多人都希望做到,《東網巨星》APP其中一個重點節目《玄學星相》,除咗教識大家點樣催吉避凶,仲會以玄學角度,幫大家八盡每周娛樂熱話㗎!
最強娛樂APP「東網巨星」下載連結: