《太陽》劇透　劉時鎮徐大英「戰死沙場」

《太陽的後裔》今晚播出第15集，聽晚就大結局，第15集一如一般韓劇嘅編排一樣，又玩先甜後苦，而根據劇情所指，宋仲基（角色劉時鎮）與宋慧喬（角色姜暮煙）先會經過一後甜蜜相處，包括一齊去露營等，不過今晚嘅重點在於，宋仲基同晉久（角色徐大英）再次去「百貨公司」（意指做特別任務），佢哋將會再次去解救人質。而成功救出人質後，兩人卻在回歸時，在等候直升機時被槍殺「戰死沙場」，兼尋獲唔到屍體，官方回應則係話佢哋遇上交通意外，宋慧喬同金智緩（角色尹明珠）本滿心歡喜等待佢哋返嚟，但卻係迎嚟壞消息，所以宋慧喬得知消息時即時喊爆，令到宋慧喬痛心欲絕，一年半後，宋慧喬重回宋仲基死嘅地方獻花悼念宋仲基，而現場嘅對講機突傳來「Big boss over」，而宋仲基亦突然出現，咁究竟宋仲基嘅出現係回憶定係真實？咁就要大結局先知！

今晚同聽晚《東網》將會文字直播《太陽》大結局篇，想緊貼第15集及大結局，Keep住睇《東網》就知道劇情架喇！