方皓玟開騷玩意淫　舞蹈員夾擊狂un

歌手方皓玟（Charmaine）的一連三場處女演唱會於旺角麥花臣場館開鑼，吸引關楚耀、蔡穎恩、JW、連詩雅、林欣彤及王宗堯與女友黎紀君捧場，鄭中基及黃秋生擔任表演嘉賓，Charmaine歌衫以白色裙做主打，全晚換上多條短裙騷長腿，由於Charmaine首次舉行賣飛騷，多次鞠躬感謝歌迷，她說：「大家就係我初戀情人咁，希望大家Enjoy今晚個騷。」

舞蹈員下體「頂」實

Charmaine先以低胸連身裙與十多名男舞蹈員大跳大唱，期間被男舞蹈員抬起兼360度轉，一度出現「倒奶」情景，又趷籮擘腿大跳性感熱舞，相當吸睛，接住再與兩男舞蹈員埋身肉搏，以嬲字夾在中間的Charmaine大玩「3P」，Charmaine的下體及Pat Pat均被兩名男舞蹈員以前後方式用下體「頂」實，如人肉三文治般狂「Un」，意識大膽兼意淫，Charmaine更一副享受樣陶醉地唱歌，最後更遭兩男舞蹈員上下其手在身上游走，令人噴血。及後邀得鄭中基（Ronald）上台唱出《晴天陰天雨天》，方皓玟更興奮攬住Ronald。

秋生大騷歌藝

Charmaine以「心中大俠」來介紹黃秋生出場，她說：「佢係今晚重點人物，係我師傅，我成日麻煩佢，對我寵愛有加。」抵死的秋生笑即說：「你話係大俠，我以為係狄龍。」黃秋生隨即自彈自唱《冥想》，完騷不少歌迷大叫Encore不肯離場，但Charmaine堅持不出場，她接受訪問時對於大膽演出，她笑言是十八禁：「唔知自己當時做緊乜。」並笑笑口說：「係過份咗少少，我會反省，明天做得盡啲，自己第一次體驗咁大體力，開騷前都食咗好多隻蕉。」問到與男舞蹈員玩「人肉三文治」時，有否感覺到對方狂「Un」？Charmaine扮傻說：「冇知覺，Feel唔到，當時乩緊童冇諗咁多，唔得閒理下體。（自己下體都唔理？）冇咗感覺。」她坦言自2014年於舞台劇《Equus馬》中大膽演出後，即走上艷星路，她說：「有啲擔心。」

被笑「冇睇頭」

Charmaine直言為免走光穿了兩條打底褲，至於「倒奶」時被取笑「冇睇頭」，Charmaine說：「真係細咗，唔知點算，被消失的咪咪。」並自爆遭公司同事揶揄：「佢哋話細咗好喎，行路方便啲，佢哋把口冇好嘢講。」隨即感謝秋生及鄭中基（Ronald）說：「秋生練咗好耐， Ronald中午綵排時有帶個女嚟，諗諗吓今晚個騷真係十八禁，入場要查身分證。」