詩詠同行！梁烈唯爆馬國明酒後獸性大發
20160414
東網電視
更多新聞短片
估唔到馬國明BB（圓圖）酒後會有咁放嘅一面。
藝人梁烈唯（唯唯）及唐詩詠到將軍澳為無綫新節目《有乜好過去camping──德國篇》宣傳，大會特意安排絕密片段播放，片段記錄三人在德國零下七度的天氣下「透爐」煮食失敗，以致同行的馬國明天然呆再現。期間，詩詠在片中就趁機送上Camping蛋糕為唯唯提早慶生，還送上香吻，連馬明都唔執輸錫埋一份！
唐詩詠暈車浪狂嘔
詩詠在活動上自爆食蟲經驗，但原來食蟲的作嘔程度仍不及長途車，唯唯笑言：「我相信大家都未見過詩詠嘔，不過我哋冇拍低！」二位受訪時，表示今次德國之旅到訪過不少當地景點，當中包括天鵝堡及阿爾卑斯山，不過唯唯卻表示因馬明為自己充當攝影師而大感遺憾：「到佢幫我影嘅時候係有影像囉，但張相係救唔到，所以只能夠喺個記憶當中。」
首次去Camping感特別
而詩詠則坦謂今次是第一次去Camping，礙於媽咪認為危險而從未試過，因此對今次透過節目參與Camping更有感覺：「其他旅遊節目可能都係拍一拍就走。」唯唯續說：「平時去旅行住酒店，再有特色嘅都係一間酒店，但去Camping係唔同時間，都會有唔同景色。」還笑言見證水鴨調情。
馬國明被爆酒量好
詩詠又大爆馬明Camping時特別心懭神怡，會變「開籠雀」之餘，更從滴酒不沾變成鍾愛檸檬啤，唯唯還笑稱馬明聲調都變高：「獸性大發，入咗我間房，幫我慶祝生日，佢揸住杯紅酒，Keep住個動作喺度笑，如是者飲咗四五杯，都冇事，仲可以返房沖涼洗頭執嘢，我要人幫我打包，所以原來佢好飲得。」
遠赴德國冇打畀洪永城
講到今次德國之旅，詩詠表示節目不會有致電男友洪永城的環節：「嗰啲地方連訊號都冇。」提到詩詠好友黃翠如爸爸公司新上市的股票價格又再躍升，詩詠笑言自己從未試過買股票，不過會為支持好友獻出第一次，更大讚翠如爸爸白手興家，應向他學習。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：