劉偉強開個人珍藏展　太太囡囡撐場

導演劉偉強於北角新光戲院舉行個人珍藏展，而其家人、李居明、鄭中基、樂易玲、葉童夫婦等亦現身支持。場地設有場刊，更展出包括電影《賭城風雲》系列的「傻強」機械人、多款古董相機、結他、海報、過往劉導演所得的獎座如金像獎及金馬獎等珍貴展品。

花兩年籌備展覽

其後劉導演受訪時稱不斷收集各種古董攝影機及相機等，總共花費兩年籌備展覽。問到展品價值幾錢？他笑言日後想開設資料館：「冇計錢呀。（邊件最珍貴？）件件都珍貴。（想日後開資料館？）係，所以要努力搵錢，再搵個大地方擺展品。」

唯一嗜好買收藏品

問到劉導演有否獲囡囡稱讚其展覽？他笑言喜獲家人支持：「佢唔使讚我，我讚佢乖得喇！（你花錢買收藏品，有冇畀家人咋型？）冇，呢個係我唯一嗜好。」劉導演又透露其大仔及二仔均修讀電影：「佢哋細個畀我訓練揸相機影畀我睇，之後將會試吓跟我做嘢。（囡囡呢？）佢鍾意讀心理學。」