謝安琪入行十年是非　未婚生子最爆

東網電視

謝安琪十年是非多多！

近日又搞演唱會又拍劇扮殭屍嘅「索爆人妻」謝安琪（Kay）原來不知不覺已經入行十年，而佢喺呢十年來亦經歷唔少是非挫折，先進化成今時今日嘅謝安琪2.0！

未婚生子

當時上緊位嘅Kay於2006年突然與張繼聰宣布懷孕3個月，兩人後來於2007年結婚，並喺同年6月誕下兒子張瞻。對於身為基督徒嘅佢未婚懷孕一事，一班網民隨即直斥佢講一套做一套，惟Kay其後就解釋指其實早於2006年3月生日個日，已經同張繼聰訂婚，仲按祖母吩咐努力生B。

Eason緋聞

2009年，已為人妻嘅Kay與人夫陳奕迅傳出緋聞，雖然兩人一直採取「清者自清」態度，但負面新聞依舊滿天飛。加上老公張繼聰當時嘅事業成就同佢仍有莫大差距，因而常被指女尊男卑，以及屢傳婚變。

食屎論

Kay於2011年接受電台訪問時，曾以「餵仔食屎」直斥傳媒歪曲佢嘅回應嚟造新聞，仲話：「如果你個仔話佢鍾意食屎，你係咪畀屎佢食？」而其驚人言論片段上載唔夠一日就已有過萬人點擊收睇，當中有網民狂插佢比喻不當。

囍帖街＋傑青

2008年間，Kay憑《囍帖街》一曲橫掃四台樂壇頒獎典禮主要獎項，並被獲封為「平民天后」，以歌手身份一直為社會服務嘅佢，更因成功喚起大眾對弱勢社群的關注，成功於2010年獲選香港十大傑青。

上位做榮譽女神

2012年Kay喺討論區中發起嘅「香港女神總選」中，獲大批網民投票支持，成功以4千幾票高踞榜首，登上女神寶座，其後更獲網民賜封為「永遠榮譽女神」！

無綫封殺

2009年，無綫與四大唱片公司因版稅問題鬧不和，當時身為四大唱片公司歌手嘅Kay慘成犧牲品，期間佢更曾以廣東話接受有線和亞視訪問，不但冇得演出無綫騷，於勁歌金曲頒獎禮中更加係食白果收場。

變臉疑雲

2005年入行嘅Kay初出道時，眼仔細細又箍牙，以實力派才女形象示人，期間佢更以歌曲《姿色份子》唱出時下年青人嘅審美眼光，惟婚後佢女人味急增，無論個樣定身材亦一同升級，成為網民心中女神！

演技作狀

近日，首次為劇集《殭》擔大旗做女一嘅Kay，雖然唱功、樣貌同身材都被網民力捧，惟佢喺劇中表現就畀網民嫌棄，仲指佢表情、演技作狀！

千嬅不和

2011年，Kay出席頒獎典禮時被指暗寸勁敵楊千嬅學歷不足，不過其後千嬅就直言唔會對號入坐，並指：「我是專業護士，學歷也不算差。」

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

on.cc東網