myTV SUPER：張秀文超Deep V真空上陣

藝人張秀文以紅色透視厘士超Deep V戰衣在將軍澳電視廣播城出席無綫節目《myTV SUPER呈獻：萬千星輝睇多D》。記者在訪問中笑豪讓半球的她「博老命」，她即笑謂：「公司有新挑戰、新廣播模式，所以自己著衫都要有新嘗試。（新低點？）唔好意頭喎！新挑戰先啱！不過個V都幾Deep，都試咗好多次，郁嚟郁去咁，都驚會走光。」問有否為Keep身材而斷食，她即否認：「頭先喺廠度都食燒賣同牛丸，因為唔食嘢會手騰腳震。（食極唔肥？）我都唔知點解，可能消化能力強，平時都鍾意食嘢，係荷爾蒙水腫先會有身體問題。（真空？）係呀，因為背脊透視，戴唔到Bra，都唔敢大動作，黐咗好多膠紙。」