為趕劇犧牲多 黃光亮焗住取消越南行

20160418
東網電視
更多新聞短片
黃光亮真係好專業。

藝人黃光亮今日到將軍澳電視城為無綫新劇《火線下的江湖大佬》拍攝宣傳片,為了趕工,光亮至下午時四多才吃午飯,更與記者邊食邊講,認真唔話得。

光亮坦言因《火》劇提前播放,影響了自己到越南的行程:「我有個朋友叫我去胡志明剪綵,我仲叫咗兩個藝人去,依家要宣傳,成個行程取消咗,你話過去一日剪完綵第二日走我又冇癮,原本係會玩多幾日。(點補償呀?)一周年紀念先再去過囉。」

黃光亮都賣口乖:無綫多好嘢

談到有傳《火》劇是臨危受名與ViuTV對撼,光亮笑言:「無仗打呀,對面又冇一個特別節目特別劇集。(韓劇《太陽的後裔》?)做完啦,咁都可能有啲未知嘅嘢,咁咪搵啲普通嘢試吓水溫先囉!(《火》劇被傳睇高一線?)可能嗰個《爸B有話兒》係勁嘢擺後面,你知無綫幾多好嘢㗎啦,咁我哋好榮幸,有份參與,畀人拎出嚟試水溫。」

光亮亦直認《火》劇的宣傳比較趕急,不過他亦認為《火》劇卡士特別,鮮有地由多位成熟的演員擔正。提到他近年為無綫拍的每部劇都有好成績時,他謙虛笑言:「嗰啲有份參與啫,呢部就叫做擔正吓啦。」