張紋嘉談黎美言作風：唔係人人都接受到
20160419
東網電視
更多新聞短片
張惠雅（左）同張紋嘉（右）話Like鄧穎芝只係欣賞佢夠真，冇咩特別意思！
ViuTV真人騷《G-1格鬥會》中，不和的鄧穎芝（Vangie）及黎美言（Winkie）終身埋身肉搏打鑊金，兩女在擂台上拳拳到肉外，在社交平台上，火藥味依然濃烈再以文字開火，Vangie暗寸Winkie狼死，又話自己是為朋友而戰，更明言「唔鍾意佢就梗㗎喇，但最大原因係我身邊好多幕前幕後朋友都曾經因為佢而好唔開心，甚至有情緒問題困擾，有朋友同佢拍節目拍到一半，寧願錢都唔收都唔想繼續幫佢拍…」，Winkie還拖指有人欠氣量。
剃舊隊友眼眉
由於Winkie的HotCha舊隊友張紋嘉（Crystal）及張惠雅（Regen）均like Vangie的撰文，令人揣測曾傳跟Winkie不和的Crystal和Regen明剃舊拍擋眼眉，更惹人聯想Vangie口中的「有情緒問題困擾的朋友」正是兩人。
張惠雅唔理黎美言點諗
抱病中的Regen接受《東網》電話訪問時，被問到是否Vangie口中的朋友？她哈哈笑說：「咁搞笑，冇咁樣，唔好搞到我，唔關我事，其實Vangie唔係同我好熟好熟嘅朋友，我未出道時，都睇過佢上TVB做live係我前輩，我like佢只係因為好欣賞佢，至於Winkie都冇乜聯絡啦。（你like Vangie，怕唔怕Winkie嬲？）maybe佢（Winkie）會咁諗，但如果佢咁諗都冇辦法。」
覺黎美言大力咗
Regen又說有特登捧Winkie對Vangie的拳賽，問可覺得Winkie狼死？Regen說：「比賽時，我又覺得Winkie唔算好狼死，不過佢喺訓練時，我個人認為佢就係大力咗啲嘅。」
張紋嘉識嗰位幕後人
至於另一嫌疑人物Crystal同樣表示非是「有情緒困擾的朋友」，又謂：「好敏感呀，呢個問題，不過嗰個人我都識嘅，係幕後人，我認識嘅Winkie佢嘅作風係咁，唔係人人都接受到嘅。」亦承認和Winkie同是組合HotCha成員時有拗撬，她說：「咁我哋都咁多年，嗰時年紀又細，一定會有拗撬啦，但為乜事就唔記得啦，我都冇留嗰啲事喺心，我諗Winkie都唔會記住。」
黎美言冇赴會
她強調like Vangie的言論，全因欣賞好友夠真夠坦白。問可擔心Winkie誤會？Crystal無奈說：「可能㗎。」她又強調跟Winkie雖不是常見，但沒有心病？她謂：「我哋之前成班07年出道新人一齊食飯，我都有叫Winkie嚟，不過佢唔得閒，冇嚟之嘛。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：