強調冇不和　盧國沾同羅嘉良相處冇問題

盧國沾（沾Sir）當年曾經與藝人羅嘉良因經理人合約問題搞到對簿公堂，不過兩人早已和好於初，沾Sir仲話嘉良已經答應做呢個演唱會嘅嘉賓，睇怕到時嘉良都必定會唱恩師沾Sir寫嘅《秦始皇》。沾Sir被問到與嘉良同台擔唔擔心成為焦點？沾Sir即出言平反謂：「大家相處得幾好，咁講好唔公平同唔啱。」

翻唱《前程錦繡》

今次沾Sir個演唱會由新娛國際綜藝製作公司主辦，主辦負責人丘亞葵（Vigo）率先大爆演唱會部分演出歌手名單，有薰妮、柳影虹、羅嘉良、曾路得及區瑞強等等。談到早已退出樂壇嘅關正傑，由於唱過沾Sir無數經典作品，問Vigo可有嘗試搵關正傑復出做嘉賓？Vigo說：「呢個最遺憾，邀請唔到佢，今次參與嘅嘉賓大部分都係原唱者。」Vigo仲爆當年沾Sir填詞、羅文主唱嘅《前程錦繡》會重新編曲，並計劃邀請一眾群星灌錄翻唱添。