鄭敬基結婚　「舊愛」瑪姬：祝佢好運啦

DJ瑪姬到電台接受訪問，其中節目主持人茜利妹笑言因為瑪姬的「舊愛」鄭敬基結婚，要煮平衡荷爾蒙的餸，瑪姬表示：「我情緒好穩定噃。祝福佢！祝佢好運啦！哈哈！」

講到入廚經驗，瑪姬就好大口氣話下廚經驗比戀愛經驗少：「細個試過入廚房幫手，但畀阿媽喝止話我對手用嚟彈琴嘅！唔係做呢啲粗重嘢！所以同烹飪無緣。」她又自爆「公主病」經歷，讀書時代有個前男友到她屋企食飯：「當佢食完碗飯，好自然就順手遞個飯碗畀我，懶搞笑咁話：『喂！裝飯呀！唔使做呀？！』我媽咪搶住答：『係呀！我個女從來都唔使做㗎！我幫你吖！』佢知衰，道歉後自己裝飯。後來都分咗手⋯⋯ 」

另外，近年多做品牌司儀瑪姬又表示有時會被集郵，但有時會被客戶邀約到酒店傾偈：「咁我咪婉拒囉，呢啲錢唔係我賺㗎。」